MATEMÁTICAS DIVERTIDAS

HAI UNS DÍAS TIVEMOS A VISITA DE JULIO, UN MESTRE MOI ESPECIAL, QUE NOS ENSINOU COMO PODEMOS APRENDER CONCEPTOS MATEMÁTICOS DUN XEITO MAIS DIVERTIDO E MANIPULATIVO. TANTO OS CHANCELIÑAS COMO AS PROFES QUEDAMOS ENCANTADOS.

OBRADOIRO DE DISFRACES

ESTE ANO OS CHANCELIÑAS QUIXERON POÑERSE Á MODA, E PUXERON A FUNCIONAR A SÚA IMAXINACIÓN CREANDO VESTIDOS DE ALTA COSTURA. AQUÍ VOS DEIXAMOS A PASARELA DE CHANCELAS.

OBRADOIRO DE MAQUILLAXE

COMA O ANO PASADO POLO ENTROIDO, FIXEMOS UN OBRADOIRO DE MAQUILLAXE. QUEREDES VER O RESULTADO? AQUÍ O TEDES, NON DEIXEDES DE FACER COMENTARIOS.

OBRADOIRO DE ARTE

O OBRADOIRO DE ARTE, LEVADO A CABO POLA PROFE LORENA, TITÚLASE "XOGAR A ARTE COA NATUREZA". BASÁMONOS NA OBRA DE AGUSTÍN IBARROLA E O SEU LAND ART (ARTE NA NATUREZA). NA PRIMEIRA SESIÓN, OS CHANCELIÑAS VERSIONARON 3 DAS SÚAS OBRAS MAIS IMPORTANTES: OS CUBOS DA MEMORIA (CON CAIXAS DE ZAPATOS), O BOSQUE DE OMA (CON PAUS) E O BOSQUE DO REXO (CON PEDRAS). E, NA SEGUNDA SESIÓN, OS NENOS E NENAS DERON RENDA SOLTA Á SÚA IMAXINACIÓN CREANDO AS SÚAS OBRAS DE ARTE CON ELEMENTOS NATURAIS E, CANDO O TEMPO O PERMITIU, NO EXTERIOR.

UNHA EXPERIENCIA MOI BONITA.

OBRADOIRO DE ARTE - Movie Maker

OBRADOIRO DE DISFRACES

NO OBRADOIRO DE DISFRACES, REALIZADO POLA PROFE BEA, OS CHANCELIÑAS DEIXÁRONSE LEVAR POLA SÚA IMAXINACIÓN A TRAVÉS DA EXPERIMENTACIÓN CON DISFRACES E COMPLEMENTOS VARIADOS: BAILARON, SALTARON, XOGARON, COLABORARON COS OUTROS PARA VESTIRSE... E POR ÚLTIMO, ELABORARON UNHA MARIONETA MOI DIVERTIDA CUN CALCETÍN VELLO. MIRADE QUE BEN O PASARON.

OBRADOIRO DE DISFRACES - Movie Maker

OBRADOIRO DE COCIÑA

NO OBRADOIRO DE COCIÑA, LEVADO A CABO POLA PROFE PILAR, FIXERONSE RECEITAS SINXELAS NAS QUE OS CHANCELIÑAS PUIDERON ELABORALAS ELES MESMOS E COOPERAR EN GRUPOS. ASÍ ACADAMOS OBXECTIVOS DE FORMA GLOBALIZADA E DESENVOLVEMOS MOITAS COMPETENCIAS.

UNHA VEZ REALIZADA A RECEITA, DEGUSTÁBASE, COMPARTINDO COS DEMAIS CHANCELIÑAS DOS OUTROS GRUPOS.

REALIZÁRONSE DÚAS SESIÓNS POR GRUPO: NUNHA SESIÓN ELABORÁBASE UNHA RECEITA CON FROITAS, E NOUTRA, UN PASTEL SINXELO.

OBRADOIRO DE COCIÑA - Movie Maker

OBRADOIRO "CREACIÓN DE CONTOS"

O OBRADOIRO "CREACIÓN DE CONTOS" FOI DINAMIZADO POLA PROFE SARA (MESTRA DE AUDICIÓN E LINGUAXE). DURANTE O CURSO ESCOLAR, DENTRO DO TEO DESENVOLVIDO NA ETAPA INFANTIL, TRABALLARONSE OS CONTOS. NA PIZARRA DIXITAL, UTILIZOUSE A PÁXINA "CLIC CLIC CLIC CONTOS INTERACTIVOS" E, EN CONCRETO, O APARTADO EL MUNDO AL REVÉS QUE SON OUTRAS VERSIÓNS DOS CONTOS POPULARES. 

NO OBRADOIRO, UTILIZÁRONSE DIFERENTES TÉCNICAS PARA A CREACIÓN DO CONTO:

• PARTIR DUN CONTO COÑECIDO POLO ALUMNADO, E MODIFICALO. PODEMOS MODIFICAR O SEU FINAL, ALGUNHA PERSONAXE...
• A PARTIR DE IMAXES VARIADAS (CASTELO, BOSQUE, RÍO, PRINCESA, ESPADA...) CREAMOS UN CONTO.
• UN NENO/A COMEZA A INVENTAR UN CONTO E, UN A UN, TEÑEN QUE CONTINUALO.

PARA PLASMAR OS CONTOS EN PAPEL UTILIZÁRONSE DIFERENTES MATERIAIS: CARTOLINAS, FOLIOS DE DIFERENTES TAMAÑOS, CERAS, TÉMPERAS SÓLIDAS...

OBRADOIRO DE CONTOS - Movie Maker

OBRADOIRO DE XOGOS

COMO SABEDES, AO LONGO DESTE CURSO LEVARONSE A CABO 5 OBRADOIROS DIFERENTES: OBRADOIRO DE XOGOS, OBRADOIRO DE CONTOS, OBRADOIRO DE COCIÑA, OBRADOIRO DE DISFRACES E OBRADOIRO DE ARTE COA NATUREZA.

OS OBRADOIROS ESTABAN FORMADOS POR GRUPOS DE 11 OU 12 NENOS E NENAS, DE IDADES DIFERENTES (3, 4 E 5 ANOS), E CADA GRUPO ÍAN ROTANDO CADA SEMANA POR UN OBRADOIRO DISTINTO.

O OBRADOIRO DE XOGOS FOI DINAMIZADO POLA PROFE CARMEN. OS CHANCELIÑAS CREARON ELES MESMOS XOGOS CON MATERIAL DE RECICLAXE E DESPOIS POÑÍAN EN PRÁCTICA A SÚA CREACIÓN. AQUÍ TEDES ALGUNHA FOTIÑO.

OBRADOIRO DE XOGOS - Movie Maker